सिमुलेसनमा अधारित मेन्टरसिप कार्यक्रम बारे छलफल

कलैया,
बारा जिल्लामा सञ्चालन गर्न लागिएको सिमुलेसनमा अधारित मेन्टरसिप कार्यक्रमबारे सोमाबार कलैयामा छलफलको आयोजना गरिएको छ । वान हार्ट वल्र्डवाइड (ओएचडब्लु) नेपालको सहयोगमा जिल्ला स्वास्थ्य कार्यालय, बारासँगको समन्वयमा जन जागरण युवा क्लब जेजेवाइसीले बारामा कार्यक्रम सञ्चालन गर्न लागेको छ । स्थानीय सरकारसँगको साझेदारीमा मातृ तथा नवजात शिशु स्वास्थ्य प्रर्वद्धन कार्यक्रम अन्र्तगत सिमुलेसनमा अधारित मेन्टरसिप कार्यक्रम बारामा सञ्चालन हुँदैछ ।

सर्लाही, म्याग्दी, दोलखा र उदयपुरमा सफलतापूर्वक संचालन भएको कार्यक्रम बारामा स्केल अप गरेर ३ वटा हवहरु (कलैया अस्पताल, सिमरा अस्पताल र नीजगढ पि.एच.सी) तथा ६ वटा सब हबहरु (बरियारपुर, नरही, प्रसौना, बेनौली, खोपवा र कोल्हवी स्वास्थ्य चौकीहरु) राखेर अघि बढाउन सरोकारवाला सहमत भएका छन् । मातृ तथा नवजात शिशुको स्वास्थ्य प्रवद्र्धन गर्दै आमा र नवजात शिशुको मृत्युदर घटाउन कार्यक्रम महत्वपूर्ण हुने उनीहरुको विश्वास छ ।

कार्यक्रम सञ्चालन गर्न जिल्लाका अधिकारी तथा स्थानीय सरोकारवालासँग छलफल आयोजना गरिएको जेजेवाइसीका कार्यकारी निर्देशक श्रीनिवास बैठाले जानकारी दिए ।
बाराले जनाएको छ । स्वास्थ्य कार्यालय बाराका एमएनएच फोकल पर्सन श्री रघुवेन्द्र कर्णके अध्यक्षतामा छलफल भएको थियो । छलफलमा बाराका १६ वटै पालिकाका स्वास्थ्य संयोजकहरु, प्रादेशिक अस्पताल कलैया, वान हार्ट वल्र्डवाइडका प्रतिनीधि लगायत ३ जना महिला सहित २६ जना सहभागी थिए ।
छलफलमा एसबीएमपी कार्यक्रमबारे कार्यक्रम संयोजक सावन यादवले जानकारी गराएका थिए । कार्यक्रमको प्रभावकारिताबारे अध्ययन नतिजा प्रस्तुतीकरण ओएसडब्लु इज्ध् का बरिष्ठ कार्यक्रम संयोजक निलेश पारवानाले गरेका थिए भने स्केलअपबारे जिल्ला संयोजक उपेन्द्र कुमार सिंहले बताएका थिए ।