वीरगञ्ज,
जिल्ला प्रशासन कार्यालय पर्साले राष्ट्रिय परिचय पत्र सम्बन्धी विवरण संकलन गर्न सेवा समय बढाएको छ । सोमबार सूचना जारी गर्दै कार्यालयले चैत ०५ गतेदेखि बिहान साढे ७ बजेदेखि बेलुका ७ बजेसम्म विवरण संकलन गर्ने जनाएको हो ।
केही दिनदेखि जिल्ला प्रशासन कार्यालयमा राष्ट्रिय परिचयपत्र बनाउने सेवाग्राहीको चाप अत्यधिक बढेको छ ।
त्यसैले सेवाग्राहीहरुको सुविधा र सहजतालाई ध्यानमा राख्दै सेवा प्रवाहलाई थप प्रभावकारी बनाउन चैत ०५ गतेदेखि राष्ट्रिय परिचयपत्रको विवरण संकलन सम्बन्धी बढाईएको सहायक प्रमुख जिल्ला अधिकारी सुमन कुमार कार्कीले जानकारी दिए ।
सार्वजनिक विदाको दिन बाहेक हरेक दिन बिहान ७ः३० बजेदेखि बेलुका ७ः०० बजेसम्म राष्ट्रिय परिचयपत्रको विवरण संकलन सम्बन्धी सेवा प्रवाह हुने उनले बताए ।
Discussion about this post