दुई बलियो टिमबीचको खेल शुरुदेखि नै रोमाञ्चक बनेको थियो । दुवै टिमका खेलाडीले पटक पटक गोल गर्ने प्रयास गरेपनि असफल भयो । निर्धारित समय गोलरहित बराबरीमा सकिएपछी खेल टाइब्रेकरमा धकेलिएको थियो । टाइब्रेकरमा पनि ३–३ गोलको बराबरी भएपछी सडन डेथबाट नतिजा निस्किएको हो ।
वीरगञ्ज ।, नेपाल पुलिस क्लब, वीरगञ्जको आदर्शनगर मैदानमा जारी ‘प्रथम वीरगञ्ज गोल्डकप’ फुटबल प्रतियोगिताको फाईनलमा प्रवेश गरेको छ । आयोजक भेट्रान सिटि क्लब वीरगञ्जलाई सडन डेथमा पराजित गर्दै पुलिस उपाधी दावेदार बनेको हो ।
दुई बलियो टिमबीचको खेल शुरुदेखि नै रोमाञ्चक बनेको थियो । दुवै टिमका खेलाडीले पटक पटक गोल गर्ने प्रयास गरेपनि असफल भयो । निर्धारित समय गोलरहित बराबरीमा सकिएपछी खेल टाइब्रेकरमा धकेलिएको थियो । टाइब्रेकरमा पनि ३–३ गोलको बराबरी भएपछी सडन डेथबाट नतिजा निस्किएको हो ।
टाइब्रेकरमा पुलिस क्लबको तर्फबाट हानेको ५ पेनाल्टी मध्ये ३ वटा बल गोल र २ वटा किपरले रोकेका थिए । जर्सी नम्बर १६ का खेलाडी उज्जवल राई, जर्सी नम्बर ८ का खेलाडी प्रताप गुरुङ्ग र जर्सी नम्बर ३ का खेलाडी पृथ्वी चौधरीले हानेको बलले मात्रै जाली चुम्न सफल भयो । जर्सी नम्बर ७ का रामचन्द्र वाजे र जर्सी नम्बर ३० का बुद्ध तामाङ्गले हानेको बल वीरगञ्जका गोल किपरले रोके ।
त्यसैगरि आयोजक भेट्रान सिटि क्लब वीरगञ्जले हानेको ५ पेनाल्टी मध्ये ३ वटा गोल र दुई वटा गोल हुन सकेन । जर्सी नम्बर १३ का खेलाडी हेम तामाङ्ग, जर्सी नम्बर १४ का खेलाडी सुजल डंगोल र जर्सी नम्बर १ का गोल किपर राजु नगरकोटी गोल हाने । जर्सी नम्बर ५ का खेलाडी मान बहादुर परियार र जर्सी नम्बर २ का खेलाडी राजन चौधरीले हानेको बल किपरले रोकिदिए ।
पेनाल्टी सुटआउटमा बराबरी भएपछि सडन डेथमा दुवै टिमले थप दुई /दुई पटक पेनाल्टी हाने । त्यसमा नेपाल पुलिसका जर्सी नम्बर २ का हेमन्त श्रेष्ठ र जर्सी नम्बर २४ का विवेक सन्तोषीले गोल गर्न सफल भए । भने भेट्रान सिटि क्लबका जर्सी नम्बर ६ का विदेशी खेलाडी मुसाले गोल गर्दा जर्सी नम्बर १९ का खेलाडी कार्लोस पटेलले हानेको पेनाल्टी पोष्ट बाहिर गएपछि पुलिस क्लबले बाजी मारेको थियो ।
बुधबारको म्यान अफ दी म्याच नेपाल पुलिस क्लबका जर्सी नम्बर १ का गोल किपर सत्रुघन चौधरी घोषित भए । उनले नगद १० हजार रुपैयाँ प्राप्त गरे ।
प्रतियोगितामा बिहीबार त्रिभुवन आर्मी क्लब र संकटा क्लब बीच भिडन्त हुँदैछ । बिहीबारको विजेताले उपाधीका लागि शनिबार नेपाल पुलिस क्लबसँग प्रतिश्पर्धा गर्नेछ । वीरगञ्ज महानगरपालिकाको मुख्य प्रायोजनमा सञ्चालित मधेस प्रदेशकै सबैभन्दा उच्च धनराशीको प्रतियोगिता कात्तिक २५ गतेसम्म चल्नेछ । प्रतियोगितामा प्रथम हुने क्लबले ११ लाख ११ हजार एक सय ११ र दोस्रो हुने क्लबले पाँच लाख ५५ हजार पाँच सय ५५ नगदसहित प्रमाणपत्र, शिल्ड तथा मेडल पाउनेछन् ।
Discussion about this post