रंजित यादव, बारा । बाराको कलैयामा रुपेश स्वर्णकारलाई गोली हानी हत्या गर्ने सार्प सुटर सुजित सिंहलाई प्रहरीले पक्राउ गरेको छ ।
बाल एकता बोर्डिङ्ग स्कुलका प्रधानाध्यापक रुपेश स्वर्णकार (सरार्फ) को हत्यामा समेत सम्लग्नता रहेका सिंहलाई बारा प्रहरीले भारतीय सीमासँग जोडिएको छतवा मुसहर्वा नाकाबाट पक्राउ गरेको हो ।
जिल्ला प्रहरी कार्यालय बाराले पत्रकार सम्मेलनमा सिंहको नाम सार्वजनिक गरेको थियो । पक्राउ परेका सिंह बारा जिल्लाको बिभिन्न अपराधीक क्रियाकलापमा सम्लग्न रही प्रहरीको मोष्ट वान्टेड अपराधीको सुचीमा रहेका थिए ।
उनलाई बारा र पर्साको सिमानाकाबाट पक्राउ गर्न सफल भएको जिल्ला प्रहरी कार्यालय बाराको प्रहरी प्रमुख एवम् प्रहरी उपरीक्षक सुरेश काफ्लेको जानकारी दिए ।
काफ्लेको अनुसार सिंह प्रहरीलाई देख्नासाथ भाग्न खोज्दा गोली चलाउनु परेको थियो । उनको खुट्टामा गोरी हानेर बारा प्रहरीले पक्राउ गर्न सफल भएको प्रहरी उपरिक्षक काफ्लेले बताए ।
घाईते सिंहको प्रादेशिक अस्पताल कलैयामा उपचार भईरहेको प्रहरीले जनाएको छ ।
Discussion about this post