वीरगञ्ज
वीरगञ्ज महानगरपालिका वडा नम्बर १६ नगवास्थित शहरी स्वास्थ्य प्रबद्र्धन केन्द्रलाई कुमारी बैंकले स्वास्थ्य सामाग्री सहयोग गरेको छ । बैंकले शरीरमा हुने विभिन्न किसिमका दुखाई निको बनाउने आयुर्वेदिक स्वेदन कार्यक्रमलाई प्रभावकारी रुपमा सञ्चालन गर्न आवश्यक पर्ने स्वास्थ्य सामाग्री उपलब्ध गराएको हो ।
कुमारी बैंक मधेश प्रदेशका प्रमुख समीर आचार्य लगायतले वीरगञ्ज महानगरपालिका वडा नम्बर १६ का वडाअध्यक्ष प्रशुराम चौरसियालाई सामाग्री हस्तान्तरण गरेका थिए ।
बैंकले आयुर्वेदिक तेल, ४ थान ग्यास सिलिण्डर, तौलिया जडिबुटी लगायतका ३० हजार मूल्य बराबरको स्वास्थ्य सामग्री उपलब्ध गराएको सहरी स्वास्थ्य केन्द्रका प्रमुख रितेश जैसवालले जानकारी दिए ।
उनका अनुसार ती सामाग्रीको प्रयोगबाट महिला, जेष्ठ नागरिक एवं न्यून आर्थिक अवस्था भएकाहरुलाई निःशुल्क सेवा प्रवाह गरिनेछ ।
Discussion about this post