प्रेस सेन्टर नेपालको तीन दिने कार्यक्रम, प्रधानमन्त्री वीरगन्ज आउँदै

वीरगञ्ज । नेकपा माओवादी निकट पत्रकारहरुको छाता संगठन प्रेस सेन्टर नेपालको २० अस्थापना दिवस वीरगन्जमा हुने भएको छ । सेण्टरको आईतबार राष्ट्रिय परिषदको बैठक पनि बीरगञ्जमा हुने भएको छ ।

बैठक तथा स्थापना दिवसको तयारी अन्तिम चरणमा पुगेको सेण्टरका केन्द्रीय उपाध्यक्ष तथा स्थापना दिवस समारोह आयोजक समितिका संयोजक गोविन्द देवकोटाले जानकारी दिए । राष्ट्रिय परिषद् बैठकमा सहभागी हुन देशभरबाट पाँचसयको हाराहारीमा प्रतिनिधिहरु सहभागी हुने वीरगन्ज आउने छन् ।

कार्यक्रमको अन्तिम दिन अर्थात् माघ १५ गते आईतबार परेको स्थापना दिवसमा प्रधानमन्त्री पुष्पकमल दाहाल ‘प्रचण्ड’ सहभागी हुनेछन् । कार्यक्रममा सञ्चारमन्त्री रेखा शर्मा र उर्जा मन्त्री शक्ति बस्नेतको समेत सहभागी हुने कार्यक्रम तय भएको प्रेस सेन्टरले जनाएको छ । प्रेस सेन्टर नेपाल केन्द्रीय समितिको आयोजनामा हुने कार्यक्रम बीरगञ्जको नगर सभा गृहमा हुनेछ ।

प्रधानमन्त्री प्रचण्डले वीरगन्जमा बारा र पर्साका स्थानीय तहका प्रमुख, उपप्रमुख र प्रमुख प्रशासकीय अधिकृतहरुसँग पनि संघीयता कार्यान्वयनको विषयमा छलफल गर्नुहुनेछ ।

नेकपा (माओवादी केन्द्र) संघीयताको जननी रहेको र यसको कार्यान्वयनमा पनि माओवादीको महत्वपूर्ण भूमिका हुने भएकोले स्थानीय तहमा संघीयताको कार्यान्वयनमा आउने समस्या, चुनौती र समाधानका लागि प्रधानमन्त्रीले छलफल गर्न लागेको बुझिएको छ ।